Camille en Bal a sortit son clip novèl « Ma Mamé Miá » lo 10 de decembre ! « Un còp mai, per tal de seguir lo fil de l’aiga e de l’istòria de nòstre disc, es a la broa de mar qu’avèm fach lo filmatge d’un clip, dins la polida e singulara estacion balneària de la Franqui / Leucata (11) ».
Una cançon, una masurcà tanben, en omenatge a nòstras maires grands.
Immensa mercé a Julien Bresson de Fiasco Produccions per aquel clip magnific. Mercé a Ox’ivent Dau Clapas a la produccion.
De polits imatges amb de polidas personas : Hugues e Michelle, Camille Simeray, Maud Seguier Dayron Aguila Arbolaez, Onel Miranda Ramos.
Dempuèi mai de 20 ans, Camille es una votz reconeguda de la scèna occitana.
La cantaira lengadociana a la personalitat plan trempada vos prepausa un bal original que posa sas fonts dins los Païses d’Òc, e se mescla coma una evidéncia al baralh dels ritmes afro-cubans.
Amb aquel repertòri transmés, en aquela lenga occitana generosa a la poesia esplendida, lo musician.nes.s a las originas occitanas per d’unas e cubanas per d’autras gausan dels sons impulsius e de las voses unidas e sageladas dins un meteis còr. Las cançons e melodias son de còps compausadas.
Un moment musical singular e sasissent al servici de las danças tradicionalas occitanas aliant lo plaser de convidar cadun de nosautres.
Entre sabors terrenalas de país viticòla, auças subtas endiabladas, percussions primitivas e voses enlaçadas, « Camille en Bal» vos cera lo postam !
En dança !!
Camille Simeray : Cant, acordeon, percussions
Maud Séguier : Flute traversièra, cant, percussions
Dayron Aguila Arbolaez: Trompeta, percussions
Onel Miranda Ramos: Percussions cant
VALSA EN MAR
Lo darrièr clip 2025
L’ALBUM DE CÒR E D’AIGA
Sortida oficiala
lo 13 de setembre de 2024
Repertòri creat e tradicional en occitan e en francés, a dançar.
Aquel disc e aquel espectacle novèl confirman las pulsions desveladas al fil del temps. Òbras eretadas e creacions aliadas a una imaginacion musicala culottée.
La creacion e l’enregistrament d’aquel album se fa dins los dos monds : dos païses luènhs, lo Sud de França o sos accents e sos gostes dins la boca vos balhan l’enveja de contar d’istòrias e a Cuba o i a léser de prene lo temps e de cantar de las oras sens qu’una informacion, tant importanta siá ela, vos venga destorbar e vos rampèle a l’òrdre e a vòstras responsabilitats.
La dança ne serà un còp mai l’esséncia. La dança es « la constrencha », la que nos fa avançar cap a ela. Nòstra musica deurà far córrer en vosautras e nosautras, lo frejolum agitator de la dança.
Escritura de musica e de cançons amb de còps dels partenaris paraulièrs coma Roland Ramade e Yves Seguier. Arrengaments (en partida) en collectiu.
Enregistrament e creacion dins los dos païses d’origina, França (Occitània) e Cuba (Trinidad). Menaira del projècte : Camille Simeray, cançonièra e occitana dins l’arma, que vos vòl far dançar. Percussionista cuban Onel Miranda Ramos, qu’es un mèstre dins sa musica afro-cubana.
Trompetista cuban Dayron Aguila Arbolaez, musician tradicional (son cubano), inedit e actual (timba). La Musiciana occitanista Maud Seguier, flaütista tradicionala e d’orquestra, cantaira dins lo grop Barrut.
ALBUM
« Me seguisses Mesa en dança »
CLIPS OFFICIELS
Foguèt aquel ivèrn 2020-21, amb l’equipa de « Camille en Bal » (Onel Mirando Ramos a las percussions, Maud Seguier al cant, Dayron Aguila Arbolaez a la trompeta, Camille Simeray al cant e acordeon) e nòstres cars convidats Aqueles (cant), Roland Ramade (cant), Romanica Marty (cant) Zurley Diaz Montalvo (flaüta), Lanny Alarcón Barreiro (violon) e Dyron Ruíz Pérez (mix).
Aquela cançon « Valsèt de mai » (réarrangée aicí per Camille en bal), es estada escricha per Claude Alranq, compausada per Patrice Conte e mesclada a la composicion «Anatz Zou a la Prima !» escricha per aquela escasença per Roland Ramade.
Produccion e collaboracion d’Ox’ivent, del c.a.c 34 e de Camille en Bal.