CONCÈRT
F*ck Tha Poulet
Sortida oficiala lo 14 de novembre de 2025
L’hémorragie des mots file dans le rap de Balelo, pour une critique humoristique, chirurgicale et radicale de la basse-cour : un hip hop conscient!
Lo 20 de setembre es sortit l’enregistrament de l’album FUCK THA POL, en exclusivitat a la Tendresa a Montpelhièr ! Après una vertadièra capitada a Orlhac e una supèr virada en 2024/ 2025, lo Pol torna amb una version concèrt de l’espectacle ! Pels fans de RAP e de critica sociala .!
Aquel album es fondat sus las partidas rapadas del cors. L’idèa essent de considerar los raps en siá, coma distints del cors per tal de balhar a ausir los tèxtes coma dins un album de rap classic.
Autor e interprèt : Damien Valero (BALELO)
Compositor, enregistrament, mix, mastering : Patrick Jammes (PJ6693)
Design : Justin Valero (ZBEUL)
Produccion – Oxivent
Distribucion – Inouis
Amb la participacion de : Léa Chikitou, Olivier Grolleau, Mathilde Paillette, Adrien Lecomte et Justin Valero
SPECTACLE
LE POULET
UN CORS COMICO-RAP SUS LAS VIOLÉNCIAS D’ESTAT
Entre RAP et STANP UP
Lo pol es un sol en scèna tragi-comica entre teatre, rap, conferéncia gesticulat e umor. Abòrda lo subjècte plombant de violéncias d’estat jol prisma de las violéncias poulicières. Sus un ritme descabestrat, pendent 65 min lo pseudo professor Hassan Bal, jogat per Balelo (Damien Valero) presenta son subjècte de tèsi a celleux que considèra coma sos egals « collègas o estudiants » : Qué far d’un pol quand presenta una fòrta propension a l’agressivitat de cap a sas congénères ?
Lo professor parla pas que de pol d’elevatge industrial e pasmens plan lèu un doble sens ponche son nas. Per comprene lo cors calrà far la mitat del camin, s’engatjar dins la compreneson, metre en dobte çò que se vei o ausís.
Al long del cors lo professor es regularament suplit per un segond personatge o puslèu una autra de sas facietas : lo Rapaire. Aquel darrièr, utiliza la metafòra filada de l’anatomia, s’ocupant metodicament de cada partida especifica del còs d’un pol, lo cap, lo còl, las alas, lo ventre, lo quinque e las patas. Malgrat qu’adèpte del lengatge dels aucèls, se fa mai frontal, veire quitament explicit.
Al final s’assistís a una proesa verbalistique de granda envergadura. La rapiditat e la fluiditat de Balelo, cobladas a la poténcia contestatària e pasmens drôlatique del tèxt, empòrta l’adesion del public dempuèi mai de 3 ans ara. El capitat la proesa d’amassar las personas militantas, los amoroses de l’umor, e los amators de rap.
Per se far una idèa dels programas ensenhats, podètz anar getar una aurelha a lo podcast du Professeur !
Aquel podcast es una version acorchada del POL enregistrat per nòstres suènhs a l’ostal. Coma dins lo sauputs-nommat cors temptam d’i respondre a la question, que far d’un pol quand presenta una fòrta proporcion a l’agressivitat de cap a sas congénères?
Aquel podcast unic e singular conten d’elements podent crear l’ilaritat coma la tristesa o la colèra. Mercé de prene pas res al primièr gra, mas d’o far còser a 180°.
Se besonh, problèma o enveja Contactatz-nos sus
L’EQUIPA
BIOGRAFIA
Balelo crescut dins un vilatge, luènh de la cultura e de la consciéncia politica. Se li ensenha lèu que « lo art es pels fantasistas », e que «parlar de politica es lo mejan melhor de se malcontentar ». Se passiona pasmens pel teatre a l’universitat ont descobrís l’engatjament militant gràcias als movements socials . Crosa la question politica tanben al còr de son cursus Art de l’espectacle teatre e occitan.
De 2012 a uèi participa coma actor o assistissent a la mesa en scèna a tot los espectacles de la Cie // Intersticis Marie Lamachère (Woyzeck, Beckett, Brecht, Barbabra Métais-Chastanier). Se forma donc al teatre d’accion fisica e als questionament dramaturgique philosophico-politic. Son gost per las istòrias s’afinava al meteis temps que son art.
En 2012 tanben se lança seriosament dins lo Rap. Balha e participa a de talhièrs d’escritura, e s’inícia a la produccion musicala sus una MPC 1000. Aquò balha naissença a l’Ase Sòlo, e son primièr concèrt a luòc en genièr de 2015. En 2017 decidís d’escriure « sus l’ase », figura de l’ase, e de la resisténcia a la normativité. Pendent una sortida de residéncia, qualqu’un li ditz : « Cal d’abòrds parlar del gal, per passar de gal a l’ase». Aquela blaga s’avera èsser lo ferment d’un vertadièr jòcs d’escritura long de 4 ans. Decidís d’aprigondir lo trabalh d’escritura del pol al delà de la blaga anecdotica e de l’orientar cap a una mena de cronica abécédérologique dels tempses modèrns. Es en qualque mena sa responsa a la repression dels Gilets Jaunes.
De 2022 a 2024 jòga près d’ochanta còps lo Pol dins diferents contèxtes, en França, Belgica e Soïssa. Descobrissent lo teatre de carrièra nosa de novèlas amistats dins lo mièg, a l’imatge de sa represa de ròtle dins « la recomposicion de mond », e la creacion a venir « Tot o res, vida e mòrt del gang Kelly » dels Filosòfs Barbars.
L’Ase Sòlo, es, dempuèi genièr de 2015, lo grop de rap de Balelo (àlias Damien Valero), actor, rapaire e beatmaker.
Après la sortida d’un primièr EP (SO ALONE), acompanhat de Digeo (Bois Vert, Ratamard Clan), e de Yellow (Doctors de Trobar, lo Cafè del paure), l’Ase sòlo es lo luòcs de l’exploracion del sol en scèna jol pseudo De hassan Sòlo.
Actor professional dempuèi 10 ans, e es pas un detalh, Balelo jongla aicí entre rap, slam, cançon « pseudo » tradicionala e numèro de palhassa. Es totara acompanhat d’instrumentalas « flambada bap », de son tamborin o plan simplament del silenci.
Aquel sòlo es dels que s’escotan aitant que s’agachan. Aicí, l’accent del sud escapa pas de la boca del rapaire coma d’un actor en mal de capitada nacionala, es un pè dins la pòrta, pel qual s’immisce una autra istòria de França, la de la colonizacion exteriora e interiora dont la lenga occitana se fa de còps lo testimòni.