« 9M2 »
Una Istòria de RAP
SYNOPSIS
A l’adolescéncia, se sap pas jamai vertadièrament ont se va.
S’escriu de rimas a far un trabalh de franceses, se jòga de piano dins de grops improbables, se desmonta la television del vesin just per comprene coma fonciona… Es a aquel moment que los membres de Bois Vert se son meses a far de rap amassa, dins una cambra de 9m².
Dètz ans mai tard, es vengut lor mestièr.
Dins aquel espectacle, vos convidan amb umor e poesia a descobrir lo quotidian d’un grop pas vertadièrament coma los autres.
Un espectacle tot public, vivament aconselhat als adolescents !
Durada : 60 min
TEASER
La scèna es copada en quatre rectangles, cadun ocupat per un membre del grop :
Dos rapaires : l’un afalat sus son burèu d’escolan, l’autre cabussat dins son walkman.
Dos musicians : un pianista que compausa en entredormissent, un bateire–sabent fòl que sòuda de circuits imprimits.
9M², es la talha d’una cambra universitària.
9M², es la pròva que se pòt inventar son pròpri trabalh.
9M², es una aventura collectiva e individuala, intima e partejada.
