CONTRA-FUÒCS
Polifonias e percussions

TRAVÈRSAS
Polifonias acosticas

Votz, Percussions, Composicions & arrengaments: Erwan Billon, Titouan Billon, Delphine Grellier, Olivier Grolleau, Samuel Grolleau, Audrey Hoyuelos Maud Séguier, Jordi Cantagrill

BIOGRAFIA

Barrut, es un fil tibat al dessús de l’abisme. L’armonia nos empacha de tombar. Las voses s’embessonan. Compausat de 3 cantairas, 4 cantaires e un percussionista, venguts de las ribas del nòrd de la Mediterranèa, Barrut rega las rotas, e los còrs baton.
Las 7 voses que s’auçan dins una armonia subtila, una poténcia emocionala fòrta, posan lors ressorsas dins l’origina dels cants polifonics que fusionan als ritmes poderoses de percussions afiladas e talhadas dins la ròca.  Amb sas composicions originalas impregnadas de la vigor del cant popular, BARRUT tira sa fèbre e l’expression de sa revòlta dins una musica de contunh tibada al dessús de la folia del mond. Implicadas dins lo movement de las polifonias tradicionalas e de las musicas actualas, l’energia e la doçor de la musica de BARRUT caminan dins aquel interstici embriagador, festiu e subversiu, de totes tempses malmenat e de totes tempses investit  : la poesia..
Après 10 annadas d’existéncia e mai de 400 concèrts, Barrut contunha son trabalh d’exploracion, d’introspeccion e d’expression, afinant e afirmant totjorn mai la singularitat de son vèrb e de sa musicalitat, e balhant vida a una polifonia unica, al  còp actual e sens edat.